គម្រោងសាងសង់រោងចក្រប្រព្រឹត្តកម្មទឹកកខ្វក់ទី៣ នឹងបញ្ចប់នៅខែមិថុនា

គម្រោងសាងសង់រោងចក្រប្រព្រឹត្តកម្មទឹកកខ្វក់ទី៣ ដែលមានទីតាំងនៅភូមិ៤ សង្កាត់៤ ក្រុងព្រះសីហនុ ខេត្តព្រះសីហនុ ត្រូវបានរំពឹងថានឹងបញ្ចប់នៅខែមិថុនាឆ្នាំនេះ តាមការគ្រោងទុក។

ព័ត៌មាននេះត្រូវបានចែករំលែកក្នុងអំឡុងពេលទស្សនកិច្ចត្រួតពិនិត្យការដ្ឋានសាងសង់ដោយសម្តេចនាយករដ្ឋមន្ត្រី ហ៊ុន សែន។

អនុវត្តដោយក្រុមហ៊ុន XWATER Technology Co., Ltd. ដំណើរការសាងសង់នេះនឹងចំណាយពេល ២២ខែ និងថវិកាប្រមាណ ២០លានដុល្លារអាមេរិក។

សាងសង់ដោយប្រើបច្ចេកវិទ្យា Membrane Aerated Biofilm Reactor (MABR) ដែលជាបច្ចេកវិទ្យាចុងក្រោយរបស់អ៊ីស្រាអែល រោងចក្រប្រព្រឹត្តកម្មទឹកកខ្វក់ទាំងបីនេះ គឺជាផ្នែកមួយនៃសមិទ្ធផលជាច្រើន ដូចជាហេដ្ឋារចនាសម្ព័ន្ធផ្លូវ៣៧ខ្សែ អគារខ្ពស់ៗ និងហេដ្ឋារចនាសម្ព័ន្ធថ្មីៗផ្សេងទៀត ដែលវិនិយោគដោយរាជរដ្ឋាភិបាល ដើម្បីប្រែក្លាយក្រុងព្រះសីហនុទៅជាទីក្រុងឆ្លាតវៃ និងខេត្តព្រះសីហនុទៅជាតំបន់សេដ្ឋកិច្ចពិសេសគំរូពហុបំណងដ៏សំខាន់ក្នុងប្រទេស។

រោងចក្រប្រព្រឹត្តកម្មទឹកកខ្វក់ទី១ មានសមត្ថភាពប្រព្រឹត្តកម្មទឹកកខ្វក់ ៥,២០០ ម៉ែត្រគូបក្នុងមួយថ្ងៃ ទី២ ប្រមាណ ៧,២០០ ម៉ែត្រគូប និងទី៣ ប្រមាណ ២០,០០០ ម៉ែត្រគូបក្នុងមួយថ្ងៃ។

លើសពីនេះ មានស្ថានីយបូមទឹកកខ្វក់ចំនួន ៧ នៅក្នុងខេត្តព្រះសីហនុ ដែល ៤ ត្រូវបានសាងសង់ដោយគណៈកម្មាធិការជាតិគ្រប់គ្រង និងអភិវឌ្ឍតំបន់ឆ្នេរសមុទ្រកម្ពុជា និង ៣ ទៀតដោយក្រសួងសាធារណការ និងដឹកជញ្ជូន។