ថ្នាក់ដឹកនាំ

ខ្ញុំបានបង្កើត ក្រុមហ៊ុន អិកវ៉ធើរ ថេកណឡជី ជាមួយនឹងចក្ខុវិស័យច្បាស់លាស់ គឺដើម្បីបញ្ជាក់ថាបច្ចេកវិទ្យាចុងក្រោយស្តង់ដារពិភពលោក អាចត្រូវបានផ្តល់ជូនដល់អតិថិជនជាមួយនឹងដំណើរការប្រកបដោយគុណភាពខ្ពស់ តម្លៃប្រកួតប្រជែង និងមាននិរន្តរភាពយូរអង្វែង។

ការធ្វើប្រព្រឹត្តិកម្មទឹក និងទឹកកខ្វក់ មិនមែនត្រឹមតែជាបញ្ហាប្រឈមផ្នែកវិស្វកម្មនោះទេ ប៉ុន្តែវាគឺជាការវិនិយោគដ៏ចាំបាច់សម្រាប់សុខភាពសាធារណៈ ការការពារបរិស្ថាន និងមនុស្សជំនាន់ក្រោយ។ ក្រុមហ៊ុន អិកវ៉ធើរ ថេកណឡជី ត្រូវបានបង្កើតឡើងដើម្បីផ្តល់នូវដំណោះស្រាយប្រកបដោយការអនុវត្តជាក់ស្តែង ភាពជឿជាក់ និងនវានុវត្តន៍ ដែលជួយដល់ឧស្សាហកម្ម និងសហគមន៍ឱ្យរីកចម្រើនដោយមានការទទួលខុសត្រូវ។

នៅ ក្រុមហ៊ុន អិកវ៉ធើរ ថេកណឡជី យើងប្រឈមមុខនឹងរាល់បញ្ហាដោយទំនុកចិត្ត​​។ យើងជឿជាក់ថា រាល់បញ្ហាប្រឈមគឺជាឱកាសមួយដើម្បីធ្វើនវានុវត្តន៍ ការអភិវឌ្ឍន៍ និងកសាងផលប្រយោជន៍ដល់សង្គមជាតិអង្វែង។

ភាពជាអ្នកដឹកនាំ គឺការបង្កើតឱកាស ការផ្ដល់កម្លាំងចិត្តដល់មនុស្ស និងការទទួលខុសត្រូវចំពោះអនាគត។ អ្នកដឹកនាំដ៏ខ្លាំងពូកែម្នាក់ ត្រូវតែមានភាពស្មោះត្រង់និងសុចរិតភាពជាប្រចាំ ហើយសុចរិតភាពនេះហើយ គឺជាមូលដ្ឋានគ្រឹះនៃការទុកចិត្ត ហើយការទុកចិត្តនេះឯង គឺជាកាតាលីករនាំឱ្យមានភាពជោគជ័យប្រកបដោយចីរភាព។

នៅ អិកវ៉ធើរ ថេកណឡជី យើងដឹកនាំក្រុមការងារដោយប្រកាន់ខ្ជាប់នូវនវានុវត្តន៍ វិជ្ជាជីវៈ តម្លាភាព គណនេយ្យភាព និងការកែលម្អឥតឈប់ឈរ។ យើងជឿជាក់យ៉ាងមុតមាំថា បុគ្គលិករបស់យើងគឺជាកម្លាំងស្នូលដ៏ខ្លាំងបំផុត ហើយតាមរយៈកិច្ចសហការនេះ យើងប្ដេជ្ញាចិត្តបង្កើតលទ្ធផលដ៏មានន័យ និងយូរអង្វែងសម្រាប់អតិថិជន សង្គម និងបរិស្ថានរបស់យើង។

ក្លាយជាក្រុមហ៊ុនឈានមុខគេលើពិភពលោកផ្នែកបច្ចេកវិទ្យាប្រព្រឹត្តកម្មទឹកស្អាត និងទឹកកខ្វក់ប្រកបដោយនិរន្តរភាព ព្រមទាំងលើកកម្ពស់សហគមន៍ និងសហគ្រាសនានា ដើម្បីសម្រេចបានការបំភាយឧស្ម័នផ្ទះកញ្ចក់សូន្យ (Net-Zero) និងរួមចំណែកកសាងសង្គមជាតិនិងបរិស្ថានស្អាត ផាសុកភាព និងចីរភាពជាងមុន។